About Us

“Chroniques Sportives avec Ben et Cram” se yon podcast ayisyen ki konsantre sou espò. Li se Podcast peyi a! Emisyon peyi a! Nan podcast sa, Ben ak Cram pral diskite epi debat aktyalite kap domine mond espòtif la. Lap pale sou filozofi, istwa, ak ekonomi espò tou. Jeneralman Ben ak Cram ap anrejistre epi pataje 2 ou 3 epizòd podcast ki ap disponib sou SoundCloud, Spreaker, iTunes, Google Play Store chak semenn. Oditè yo kapab tande oubyen telechaje epizòd yo lè yo disponib.  

 

A pwopo de Ben ak Cram:

Ben se yon analis kantitatif nan konpayi done Ameriken Nielsen. Ben gen anpil eksperyans nan zafè medya espòtif paske li patisipe epi ekri nan blog entènasyonal The False 9, Inside Spanish Football, ak Seri A Weekly. Sou kote lokal, Ben se youn nan 2 moun ki te kreye paj espòtif ayisyen  “Discussion Football” sou Facebook epi li konn ekri atik sou espò nan Ayibopost. Pou tan pèsonèl li, Ben ekri atik sou blog li sou foutbòl, baskètbòl, je videyo, ekonomi, ak politik. Ben gradye Institution Saint-Louis de Gonzague an 2011 epi Cornell University an 2015.

 

Cram se yon enjenyè mekanik ki ap travay nan kòporasyon Ameriken “The Coca-Cola Company”. Cram te kontribuye ak kreyasyon paj espòtif ayisyen  “Discussion Football” sou Facebook epi li te sèvi tankou yon administratè sou paj la. Li ekri kèk atik sou foutbòl ak baskètbòl epi li konn kontribye kom yon analyis NBA sou blog Le Libero ak Bd1592.blogspot.com. Pou tan pèsonèl li, Cram renmen aprann yon bann lang. Cram te lekòl Institution Saint-Louis de Gonzague men li te kite peyi a aprè segond. Li gradye William R. Boone High School nan vil Orlando an 2011 epi University of Florida an 2016. Go Gators!

PODCASTS

Ou ka tande tout epizòd yo sou paj web la oubyen sou Spreaker, SoundCloud, iTunes ak Google Play.

OUR BLOG

Opinyon ak atik sou espò

CONTACT US

Send us a Message

Pa evite kontakte nou si ou gen kesyon sou podcast lan oswa biznis la.

Contact information

Tell your friends about us.

FREQUENTLY ASKED QUESTIONS

Kisa yon PODCAST ye menm?

Yon podcast se yon show odyo sou entènèt. Se tankou yon emisyon radyo tankou Chokarella oswa Sport Mania. Sèl diferans ki genyen, ou pa bezwen branche sou on estasyon radyo. Ou kapab tande epizòd yo a nenpòt lè ou vle a epi jan ou vle a.

Poukisa mwen dwe tande Chroniques Sportives avec Ben et Cram?

Ou dwe tande podcast la paske Ben ak Cram bay anpil bèl deba ak analiz sou espò. Wap jwenn anpil plezi epi ou ap aprann anpil lè ou ap tande epizòd yo. Ben ak Cram ap gen anpil envite ki ap toujou gen de bagay entelijan pou ajoute nan konvesasyon an. Chroniques Sportives se referans nan zafè podcast espòtif  nan peyi a.

Kilè emisyon an oubyen epizòd yo ap disponib?

Tout epizòd yo disponib 2 ou 3 fwa chak semèn pandan sezon foutbòl ak baskèt la. Pandan ete a, kòm gen mwens aktyalite, nèg yo ap anrejistre yon sèl epizòd chak semèn. Epitou deba yo ap plis konsantre  yo sou filozofi, istwa, ak ekonomi espò.

Ki kote mwen ka jwenn epizòd podcast yo?

Ou ka tande oubyen telechaje epizòd yo depi yo disponib sou paj web la oubyen sou SoundCloud, Spreaker, iTunes, Google Play, ak tout paj Facebook la: Chroniques Sportives avec Ben et Cram la.

Mwen pa janm itilize ITunes oswa Google Play poum tande podcast, kijan sa mache menm?

Itunes (IOS) ak Google Play (Android) se de sevis ki distribye podcast sou entènèt. Wap ka jwenn tout epizòd nou yo sou tout sèvis podcast an jeneral. Nou konnen podcast se yon konsèp oubyen nosyon  ki ase nouvo an Ayiti men nou ap eseye detaye kijan yon moun ka jwenn podcast lan la.

IOS:

  1. Ale sou aplikasyon “Podcast” sou Iphone ou.
  2. Klike sou bouton “Search” la
  3. Tape “Chroniques Sportives avec Ben et Cram” epi ou ta sipoze wè logo nou an.
  4. Klike sou “Subscribe”. Lè ou fin fè sa, tout epizòd nou yo ap parèt nan seksyon “Unplayed” ak seksyon “My Podcast” aplikasyon an.

Android:

  1. Ale sou aplikasyon “Play Store” sou smartphone Android ou a.
  2. Klike sou bouton “Search” la
  3. Tape “Chroniques Sportives avec Ben et Cram” epi ou ta sipoze wè logo nou an.
  4. Klike sou “Subscribe”. Lè ou fin fè sa, tout epizòd nou yo ap parèt nan seksyon “Unplayed” ak seksyon “My Podcast” aplikasyon an.

Soundcloud:

  1. Ale sou lyen sa
  2. Ou ap ka jwenn lis epizòd nou yo

Spreaker:

  1. Ale sou lyen sa
  2. Ou ap ka jwenn lis epizòd nou yo

Kisa pou mwen fè si mwen anvi patisipe nan emisyon an?

Pou ou ka patisipe nan emisyon yo, ou ka email nou, voye yon mesaj sou paj Facebook podcast la, oubyen kontakte Ben ak Cram pou nou fè aranjman yo. Depi ou konn boul, ou se yon fan ki pap voye monte epi ki ap di bagay serye, ou met kontakte nèg yo.

Kisa pou mwen fè si mwen anvi pale de biznis ak mesye yo?

Depi ou anvi pale de biznis oubyen sponnsò, pa evite kontakte oubyen email nèg yo. Enfòmasyon yo disponib sou paj web sa la ak tout paj Facebook: Chroniques Sportives avec Ben et Cram.

Ki opòtinite biznis ki disponib avèk Chroniques Sportives?

Chroniques Sportives ouvè pou nenpòt biznis serye men an jeneral 2 bagay sa yo konn nan diskisyon an:

1) Piblikasyon podcast nou an si ou se yon radyo an Ayiti oswa yon radyo nan peyi etranje.
2) Piblisite sou podcast la si ou anvi yon sponnsò podcast la.